Черчесов Қазақстан құрамасынан кетеді - инсайдер
Ресейлік маман Станислав Черчесов Қазақстан ұлттық құрамасының бас бапкері қызметінен кетеді. Бұл жайында журналист Ермұхамед Мәулен жазды, деп хабарлайды Prosports.kz.
Оның хабарына қарағанда, Черчесов командадан кетеді, ал заңгерлер қазір келісімшартты бұзу нұсқаларын қарастырып жатыр. Бас бапкер лауазымына екі қазақстандық және екі еуропалық кандидат қарастырылып жатыр.
Черчесовтің ұлттық құрамамен келісімшарты 2026 жылғы әлем чемпионатының іріктеу турнирі аяқталғанға дейін жасалған болатын және екі жақтың келісімі бойынша тағы екі жылға ұзарту мүмкіндігі қарастырылған.
Черчесовтің басшылығымен Қазақстан құрамасы Ұлттар лигасында алты матч өткізіп, бір ғана тең ойынға қол жеткізді, 5 рет жеңіліске ұшырап, бірде-бір гол соқпады. Сонымен қатар, команда Ұлттар лигасындағы өз дивизионынан шығып қалды.