«Реал» Құрлықаралық кубоктың иегері атанды

«Реал Мадрид» 2024 жылғы Құрлықаралық кубоктың иегері атанды, деп хабарлайды Prosports.kz 

Катардың Лусаил қаласында 2024 жылғы Құрлықаралық кубоктың финалдық матчы өтті. Шешуші ойында Испанияның «Реал» командасы мен Мексиканың «Пачукасы» кездесті.

Матч корольдік клубтың сенімді жеңісімен аяқталды (3:0). Бірінші таймда Килиан Мбаппе есеп ашса, екінші таймда Родриго мен Винисиус (пенальти) көзге түсті.

Осылайша мадридтік «Реал» Құрлықаралық кубокты тоғыз мәрте жеңіп алды.