QFL Премьер-лигасының үздік қақпашысы белгілі болды
Құралбек Ордабаев атындағы номинацияны Стас Покатилов жеңіп алды, деп хабарлайды Prosports.kz
Qazaqstan Football League 2024 жылғы маусымының қорытындысы бойынша, QFL Премьер-лигасының үздік қақпашысын ұсынады. Ордабаев Құралбек Досжанұлы атындағы номинация «Тобыл» клубының қақпашысы Стас Покатиловқа бұйырды. Үздік қақпашыны турнирге қатысқан клубтардың капитаны мен бапкерлері дауыс беру арқылы анықтады.
32 жастағы қақпашы осы маусымдағы турнирдің барлық ойындарына қатысып, гол жібермеу көрсеткіші бойынша үздік атанды. Ол 11 ойында қақпасын аман сақтап, 56 соққыны қайтарды. Стас қостанайлық ұжыммен бірге QFL Премьер-лигасында 5-орынға табан тіреп, QFL Қазақстан кубогында жартылай финалға дейін жетті. Сондай-ақ, ол QFL Қазақстан Суперкубогын жеңіп алды.