PGL Astana 2025 чемпионатына билеттер сатылымға түсті
PGL турнир ұйымдастырушысы CS2-ден PGL Astana 2025 чемпионатына билеттер сатылымға шыққанын хабарлады. Билеттердің құны «Барыс Аренадағы» таңдалған сектор мен келу күніне байланысты 18 000-120 000 теңге болады, деп хабарлайды Prosports.kz.
Қазақстан тұрғындары билеттерді Ticketon платформасынан сапып ала алады, ал басқа елдердің пайдаланушыларына халықаралық сервистер қолжетімді. Ақпарат жарияланған сітте орындардың басым бөлігі броньдау үшін ашық болғанымен, танымал секторлар жанкүйерлер арасында тез сатылып жатыр.
PGL Astana 2025 турнирі 8-18 мамыр аралығында Астанада өтеді. Турнирде әлемнің ең мықты 16 командасы бақ сынап, $1,25 млн (≈580 млн теңге) жүлде қорын сарапқа салады. Жеңімпаз командаға $425 мың (≈197 млн теңге) беріледі.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или