QFL Премьер-лигасының 2024 жылғы маусымындағы үздік шабуылшылар марапатталды
Чесноков, Пауло, Сигневич Евстафий Пехлеваниди атындағы номинацияны иеленді, деп хабарлайды Prosports.kz
Qazaqstan Football League QFL Премьер-лигасының 2024 жылғы маусымындағы үздік шабуылшыларды ұсынады. Турнир қорытындысы бойынша, 10 голдан соққан Ислам Чесноков, Жоао Пауло, Николай Сигневич аталмыш номинацияны иеленді. Олар Евстафий Алкивиадович Пехлеваниди атындағы сыйлықты өзара бөліп алды.
Турнирдің тарихында алғаш рет сұрмергендер бәсекесінде үш бірдей футболшы тең түсті. Сондай-ақ, араға 15 жыл салып, үздіктердің қатарына отандық ойыншы енді. «Тобол» клубының 25 жастағы жартылай қорғаушысы Ислам Чесноков осы маусымда 21 мәрте алаңға шығып, командасы турнир кестесінде 5-орынға тұрақтады.
«Атырау» сапында дебют жасаған Николай Сигневич те керемет нәтиже көрсетті. 32 жастағы шабуылшы «мұнайшылардың» барлық ойынына қатысып, QFL Қазақстан кубогында күміс жүлдені иеленді.
Ал «Қайрат» ұжымының 36 жастағы шабуылшысы Жоао Пауло өз мансабында үшінші мәрте QFL Премьер-лигасының үздік сұрмергені атанды.