Иэн Гарри UFC 310 турнирінен кейін Шавкат Рахмоновқа қазақ тілінде жазба жариялады
Ирландиялық файтер Йэн Гарри қазақстандық Шавкат Рахмоновпен жекпе-жектен кейін қазақ тілінде жазба жариялады, деп хабарлайды Prosports.kz.
«Шавкат, сен үлкен тәуекелге бардың. Титулдыққа шайқасына қауіп төніп тұрса да, бұл жекпе-жек саған аса қажет болмаса да, менімен төбелесуге бел будың. Өзіңе, бойындағы талантына деген құрметім шексіз.
Құттықтаймын, және келесі кездесуді асыға күтемін. Кімнің қауіптірек екенін екеуміз де жақсы білеміз», - деп жазды Гарри Instagram парақшасында қазақ және ағылшын тілдерінде.
Естеріңізге сала кетейік, кеше Астана уақытымен таңертең Шавкат Рахмонов Лас-Вегаста (АҚШ, Невада) UFC 310 турнирінде Иэн Гарримен жұдырықтасып, төрешілер шешімімен (үш рет 48-47) жеңіске жеткен болатын. «Номад» мансабында алғаш рет қарсыласын мерзімінен бұрын жеңе алмады.