Бахрейнде ауыр атлетикадан әлем чемпионаты өтеді
Жаһандық додада еліміздің атынан 15 қазақстандық зілтемірші жарыс жолына шығады, деп хабарлайды Prosports.kz тілшісі ҚазАқпаратқа сілтеме жасап.
Жарыста ерлер құрамасында Ақмолда Сайрамкез (67 келі), Александр Уваров (81 келі), Алексей Чуркин (81 келі), Денис Уланов (89 келі), Денис Полубояринов (89 келі), Кириил Староверкин (96 келі, Нұрғиса Әділетұлы (96 келі, Артем Антропов (102 келі), Андас Самарқанов (109 келі) пен Мейрам Сұлтан (109 келі) сайысқа түседі.
Қазақстан ерлер құрамасының бас бапкері Дәурен Бекмұханбетовтің айтуынша, ерлер құрамасында Ақмолда Сайрамкез, Александр Уваров, Алексей Чуркин, Нұрғиса Әділетұлы, Артем Антропов және Андас Самарқанов басжүлдеден үміткер болып отыр.
Ал әйелдер құрамасында Карина Горичева (64 келі), Арай Нұрлыбекова (71 келі), Аянат Жұмағали (76 келі), Айша Омарова (76 келі) және Любовь Ковальчук (+87 келі) жүлделерді сарапқа салады.
Әйелдер құрамасынан Любовь Ковальчук пен Айша Омароваға үлкен үміт артылып отыр.