«Қайрат» қорғаушысы Черчесовтің сөзіне қатысты пікір білдірді
«Қайрат» қорғаушысы Александр Мартынович «РБ Спорт» басылымына берген сұхбатында Қазақстан құрамасының бас бапкері Станислав Черчесовтың сөзіне пікір білдірді, деп хабарлайды Prosports.kz.
Бұған дейін Черчесов Ресей мен Еуропадағы футболдың жылдамдығы арасында айырмашылық бар екенін айтқан еді.
«Черчесовтың футбол деңгейі туралы сөзімен келісемін бе? Иә, бұл солай. Егер еурокубоктардың уақытын алсақ, онда, әрине, еуропалық чемпионаттар қарқынды болады – онда көп матчтар өтеді, сондықтан да осындай әсерлер пайда болады. Статистика бар, және бұл жайдан-жай айтылмайды. Жылдамдықта айырмашылық бар», – деді Мартынович.
Еске салайық, Станислав Черчесов Қазақстан құрамасының бас бапкері болып келгеннен кейін маман өзінің ерекше мәлімдемелерінен бірнеше рет жанжалға ұласқан болатын.