Футболдан Қазақстан құрамасының ФИФА рейтингіндегі орны өзгерді
Футболдан Қазақстан ерлер құрамасы қарашада Ұлттар лигасы аясында өткен матчтардан кейін ФИФА рейтингінде төмендеді, деп хабарлайды Prosports.kz тілшісі Nur.kz сайтына сілтеме жасап.
ФИФА-ның жаңартылған рейтингінде Қазақстан құрамасы үш сатыға төмендеп, 110-орынға жайғасты. Аргентина көш басында қалса, екінші Франция, үшінші Испания тұр.
Айта кетейік, қарашада Қазақстан құрамасы екі рет жеңіліске ұшырады. Алдымен өз алаңында Аустрияға (0:2), кейін сырт алаңда Норвегияға (0:5) есе жіберді.
28 қарашада жаңартылған ФИФА рейтингі:
1. Аргентина – 1867,25 ұпай;
2. Франция – 1859,78;
3. Испания – 1853,27;
4. Англия – 1813,81;
5. Бразилия – 1775,85;
6. Португалия – 1756,12;
7. Нидерланд – 1747,55;
8. Бельгия – 1740,62;
9. Италия – 1731,51;
10. Германия – 1703,79
...
110. Қазақстан – 1180,18.