Футбол заңгері Дмитрий Кигинько Максим Самородовтың шеберлігі жайлы айтты
Футбол заңгері Дмитрий Кигинько Максим Самородовтың шеберлігі жайлы айтты, деп хабарлайды Prosports.kz
Еске салайық, кеше Қазақстан құрамасы мен «Ахматтың» жартылай қорғаушысы РПЛ-дің 16-турында «Крылья Советовқа» қарсы кездесуде мергендік танытты (2:1). SofaScore аналитикалық порталы «Ахмат» сапындағы ең жоғары бағаны М.Самородовқа бергенін де қоса кетейік (7.9).
«Максимнің қарім-қабілеті жайлы бір немесе екі жыл бұрын ғана белгілі болған жоқ. Ол жоғары деңгейлі футболшы, сонысын кеше тағы бір мәрте дәлелдеген болатын. Самородовтың болашағы зор, бұған ешкімнің күмәні жоқ», - деді ресейлік маман «РБ Спорт» - қа берген сұқбатында.
Максим Самородов осы жазда грозныйлық клубқа «Ақтөбеден» ауысты. Кеше отандасымыз «Ахмат» сапында Ресей премьер-лигасындағы дебюттік голын салды.