Теміртас Жүсіпов «IBA чемпиондарының түні» турнирінің финалында бақ сынайды
Қазақстандық боксшы Теміртас Жүсіпов 12 желтоқсанда Бахрейнде өтетін кәсіпқой бокстан «IBA чемпиондарының түні» турнирінің финалында өнер көрсетеді, деп хабарлайды Prosports.kz Meta-ratings.kz сайтына сілтеме жасап.
48 келіге дейінгі салмақтағы шешуші жекпе-жекте Жүсіпов кәсіпқойлар арасында IBA чемпиондық белбеуін сарапқа салады. Қарсылас әлі ресми түрде жарияланған жоқ.
Қазан айында Теміртас Жүсіпов Қарақозы Әбдалиевті еске алуға арналған бокстан халықаралық турнирдің жеңімпазы атанып, 2024 жылғы Азия чемпионатына жолдама алды.
«IBA чемпиондарының түнінде» финалдық жекпе-жек үшін боксшының құрлық біріншілігіне қатысудан бас тартқаны белгілі болды, оның орнына Санжар Тәшкенбай аттанады. Бұл туралы бокстан Қазақстан Республикасы ұлттық құрамасының бас бапкері Қайрат Сәтжанов мәлімдеді.