Данияр Елеусінов WBC чемпионын жекпе-жекке шақырды
Қазақстандық боксшы Данияр Елеусінов жартылай орта салмақтағы WBC чемпионы, америкалық Марио Барриосты жекпе-жекке шақырды.
16 қарашаға қараған түні Маррио Барриос Арлингтонда (АҚШ) өткен бокс кешінде америкалық Абель Рамоспен жұдырықтасқан еді. Жекпе-жек тең нәтижемен аяқталып, Марио өз титулын сақтап қалды.
- Өткен демалыс күндері WBC чемпионы Марио Барриос өте әлсіз өнер көрсетті. Оның қолынан Абель Рамосты екінші раундтың ортасында нокдаунға түсіру ғана келді. Марио, мен сені жеңетініме сенімдімін. Кез келген жерде, кез келген уақытта жекпе-жекке шығайық. Олимпиада чемпионы WBC чемпионына қарсы. Жанкүйерлерімізді қуантайық! – деп жазды Елеусінов Instagram-дағы парақшасында.
Дереккөз: kaz.nur.kz
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или