Данияр Елеусіновтің келесі жекпе-жегінің уақыты анықталды
Қазақстандық кәсіпқой боксшы Данияр Елеусіновтің келесі жекпе-жегінің қашан өтетіні белгілі болды.
Рио олимпиадасының чемпионы Данияр Елеусіновтің кәсіпқой бокстағы кезекті жекпе-жегінің уақыты анықталды. Жеңілістің дәмін татпаған Данияр Елеусінов шаршы алаңға ақпанда оралады. Бірақ қазақстандық боксшының қарсыласы әлі белгісіз.
Дегенмен Елеусіновке қарсылас болуы мүмкін деген үш боксшы анықталды. Олардың қатарында Оңтүстік Африка өкілі Тулани Мбенге (21-2, 15 KO), британиялық Крис Конго (15-2, 7 KO) және Венэсуэлла спортшысы Габриэль Маэстре (6-1-1, 5 KO) бар.
Айта кетейік, Данияр Елеусінов соңғы рет рингке биыл қыркүйекте шығып, AllStarsBoxing кешінде филиппиндік Джо Нойнэйді нокаутпен жеңіп, WBC Peace чемпоны атағын иеленді еді.
Дереккөз: Stan.kz
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или