Камару Усман Шавкат Рахмоновпен жекпе-жек өткізбейтінін айтты
Бұрынғы UFC чемпионы Камару Усман желтоқсан айының басында Лас-Вегаста (АҚШ) өтетін UFC 310 турнирінде Шавкат Рахмоновпен жекпе-жек өткізбейтінін айтты, деп хабарлайды Prosports.kz.
Айта кетсек, қазақстандық файтер UFC 310 турнирінде жартылай орта салмақтағы қазіргі чемпион Белал Мұхаммедпен жұдырықтасуы керек еді. Алайда, Палестина файтері денсаулығына байланысты жекпе-жектен бас тартты.
«Шынымды айтсам, мен бұл кездесуді жеңуге мүмкіндігім өте жоғары жекпе-жек деп санаймын. Октагонға шығып, мына жас, аш, жігерлі жігіт Шавкат Рахмоновтың басқалар жасай алмаған кемшіліктерін әшкерелей алатынымды білемін. Ол өте дарынды және өте, өте мықты, бірақ мен оның осал тұстарын көріп тұрмын және мен оларды уақыты келгенде пайдалана аламын деп ойлаймын, бірақ 7 желтоқсан емес», - деп келтіреді Усманның сөзін bjpenn. com.