Қазақстан U19 құрамасы сенсациялық жеңіске жетті
Қазақстан сенсация жасап, Еуро-2025 іріктеуін жеңіспен бастады, деп хабарлайды Prosports.kz
Қазақстан U19 құрамасы 2025 жылы Румынияда өтетін Еуропа чемпионатының іріктеу кезеңіндегі бірінші матчында Украинаны 2:1 есебімен жеңді.
Бұл қазақ футболы тарихында Украина құрамасына қарсы ойындардағы алғашқы ресми жеңіс болып тіркелді.
Қазақстан құрамасынан жақында «Ертіс» клубының қатарына қосылған Темірлан Агиманов дубль авторы атанды. Ал украиналықтар тарапынан жалғыз голды пенальтиден Пономаренко соқты.
Букмекерлік кеңселер ойын алдында Қазақстанға 22, ал Украинға 1.10 коэффициент беріп тұрған еді.
Кузнецов шәкірттері келесі ойынды 16 қараша Нидерландқа қарсы өткізеді. Одан кейін Словениямен (19.11) кездеседі.
Топтан екі құрама тікелей элиталық кезеңге жолдама алады. Ол жақта 28 құрама төрт-төрттен жеті топқа бөлініп, тек бірінші орындағылар негізгі додаға өтеді.
Осылайша турнир қожайынын қосқандағы сегіз команда 2025 жылдың маусым айында трофейді сарапқа салады.