Қазақстандық шахматшылар әлем чемпионатында сәтті өнер көрсетті
Қазақстандық шахматшылар әлем чемпионатында күміс және қола жүлде иеленді, деп хабарлайды Prosports.kz
Бразилияның Флорианополис қаласында шахматтан жасөспірімдер арасында әлем чемпионаты өтті. Жарысқа 63 елден 500-ден астам спортшы қатысты. Қазақстан атынан 20 дарынды шахматшы гроссмейстер Антон Филипповтің жетекшілігімен ел намысын қорғады.
Отандастарымыз үш күміс және бір қола медаль жеңіп алып, өткен жылғы нәтижені жақсартты.
Эдгар Мамедов (Open 14), Әмина Қайырбекова (Girls 18) және Алдияр Ансат (Open 18) күміс жүлде еншіледі. Ал жалғыз қола медальді қоржынға Сауат Нұрғалиев (Open 14) салды.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или