Камару Усман келесі жекпе-жегі туралы хабарлады
Орта салмақтағы UFC-дің бұрынғы чемпионы Камару Усман жақын арада октагонға оралатынын айтты, деп хабарлайды Prosports.kz.
«Проблема жасаушы! Жақында мен сонда боламын », - деп жазды нигериялық әлеуметтік желіде бірнеше жаттығу суреттерін жариялап.
Камару Усман кейінгі рет октагонға бвлтыр қазан айында шығып, орта салмақта Хамзат Чимаевқа есе жіберген, оған дейін Леон Эдвардспен титулдық жекпе-жекте екінші рет жеңіліске ұшырады.
Бұған дейін Шавкат Рахмоновтың менеджері Саят Әбдірахманов Камару Усман жарақатына байланысты жекпе-жектен бас тартқан Белал Мухаммадтың орнын басып, 7 желтоқсанда Лас-Вегаста өтетін UFC 310 турнирінде Шавкаттың қарсыласы болуы мүмкін екенін айтқан.
«The Nigerian Nightmare» және «Nomad» арасындағы жекпе-жекте жартылай орта салмақтағы UFC уақытша чемпиондық белбеуі сарапқа салынады.
Қазір UFC-дің жартылай орта салмақтағы рейтингінде Камару Усман мен Шавкат Рахмонов сәйкесінше екінші және үшінші орында тұр.