Қазақстандық боксшылар әлем чемпионатында қанша табыс тапты
Қазақстан боксшыларының Будвада (Черногория) өткен жастар арасындағы әлем чемпионатында жеңіп алған медальдары үшін ақшалай сыйақысы белгілі болды, деп хабарлайды Prosports.kz.
Бұл турнирде Қазақстан он жеті медаль жеңіп алды: алты алтын, бір күміс және он қола. Чемпиондар мен жүлдегерлер үшін Халықаралық бокс қауымдастығы (ХБА) келесі ақшалай марапаттарды белгіледі: алтынға – 8000 доллар, күміске – 4000 доллар, қола үшін – 2000 доллар. Сондай-ақ ширек финалға шыққандар үшін 1000 доллар сыйақы бар.
Осылайша, қазақ боксшылары алтын медаль үшін 48 000 доллар, күміс үшін 4 000 доллар, қола үшін 20 000 доллар алады. Ширек финалға шыққан бір қатысушы да 1000 доллар алады. Жастар арасындағы әлем чемпионатының қорытындысы бойынша отандық спортшылардың жалпы табысы 73 000 доллар.