OCTAGON 65 турнирінің тікелей трансляциясы
27 қазанда Алматыда Еуразиялық жекпе-жек лигасының кезекті нөмірлі турнирі өтеді, басты шайқаста жеңіл салмақтағы уақытша чемпиондық белбеудің иесі анықталады, деп жазады Prosports.kz.
Турнирде көрермендер Қазақстан, Өзбекстан, Қырғызстан, Тәжікстан, Ресей және Әзірбайжан спортшылары қатысатын 14 жекпе-жекті тамашалайды.
Турнирде UFC файтері Азат Мақсұмның спарринг серіктесі Еламан Жетпісбай (5-1) өзбекстандық файтер Жахонгир Нажмединовпен (10-6-1) кездеседі.
Жекпе-жек кешінің қызығы жеңіл салмақтағы уақытша чемпиондық атақ үшін қазақстандық «Бизон» Нұржан Ақышев (16-4-1) мен өзбекстандық «Танк» Мавлонбек Миркомилов (6-2-1) арасындағы жекпе-жек болмақ.
Алматыдағы турнирдің тікелей трансляциясы Қазақстан уақыты бойынша сағат 17:00-де басталып, OCTAGON TV. YouTube арнасында қолжетімді болады.