Асу Алмабаевтың UFC рейтингіндегі орны белгілі болды
Өткен аптада Лас-Вегаста өткен UFC Fight Night 245 турнирінде жеңіске жеткен қазақ файтері Асу Алмабаев рейтингте 14-ші орыннан бірден жетінші орынға көтерілді, деп хабарлайды Prosports.kz
UFC осы турнирден кейін барлық салмақ бойынша рейтингті жаңартты. Бразилиялық Матеус Николауды жеңген отандасымыз алдын ала болжанғандай, ТОП-10 қатарына кіріп отыр.
Аталған жекпе-жекке дейін Асу UFC рейтингінің 14-ші сатысында тұрса, бразилиялық Матеус Николау жетінші орында болған. Енді ол оныншы орынға сырғып, өз орнын Асуға берді.
Айта кетейік, Асу Алмабаев UFC-де осымен төрт жекпе-жек өткізіп, оның бәрінде жеңіске жетті. Соңғы кездесуінен кейін ол UFC басшысы Дана Уайттан чемпиондық титул үшін төбелесуге мүмкіндік беруді сұрады. Алайда, спорт сарапшыларының сөзінше, Асуға белбеу үшін жекпе-жек өткізуге әлі ерте. Ол кемі тағы екі жекпе-жекте жеңіске жетуі керек дейді олар.