Қытайдағы турнир қазақстандық теннисшілер үшін сәтті басталды
Қытайда әйелдер арасында өтіп жатқан Ухань WTA 1000 турниріне қазақстандық теннисшілер қатысты.
Қазақстанның екінші, әлемнің 35-ракеткасы Юлия Путинцева жекелей сында дүниежүзілік рейтингіде 250-орында тұрған қытайлық Чжан Шуайды 6:4, 6:4 есебімен тізе бүктірді.
Қазақстандық теннисші биылғы WTA 1000 жарыстарында жеткен жеңістерінің саны жөнінен бесінші орынға көтерілді.
ТОП-5:
Ига Швентек (Польша) — 30.
Арина Соболенко (Беларусь) — 23.
Кори Гауфф (АҚШ) — 21.
Даниэль Коллинз (АҚШ) — 17.
Юлия Путинцева (Қазақстан) — 15.
Ю.Путинцева екінші айналымда әлемнің 18-ракеткасы, хорватиялық Донна Векичпен шеберлік байқасады.
Қазақстанның жұптық сындағы бірінші, әлемнің 31-ракеткасы Анна Данилина ресейлік Ирина Хромачевамен бірге екінші айналымға өтті. Қазақстандық-ресейлік жұп бастапқы кездесуінде жапониялық Макото Ниномия – ресейлік Яна Сизикованы жолдан тайдырды – 6:4, 6:0.
А.Данилина – И.Хромачеваның келесі қарсыластары – испаниялық Кристина Букша – румыниялық Моника Никулеску.
Жүлде қоры 3,2 млн АҚШ долларынан асатын Ухань додасы 13 қазанда мәресіне жетеді.