Илья Гусаков Венгрия спорт ғылымдары университеті өткізетін Халықаралық тренерлік курсқа қатысады
Жүзуден Қазақстан командасының бас бапкері Илья Гусаков Будапешттегі Венгрия спорт ғылымдары университеті өткізіп жатқан Халықаралық тренерлік курсына (ICC) қатысады.
Маман Қазақстанның Ұлттық Олимпиадалық комитеттің қолдауымен 2024 жылдың 1 қазаны-29 қараша аралығында білім алады.
Бұл жобаны Халықаралық Олимпиадалық комитет мен Олимпиадалық ынтымақтастық бірлесе отырып жүзеге асырып отыр.
Курс элиталы және бастаушы спортшылармен жұмыс істейтін тренерлерге арналған 9 апталық қарқынды бағдарламаны қамтиды. Бағдарламаға тренерлік қызметтің теориялық және практикалық аспектілері енген және қатысушылар биомеханика, спорттық психология, жаттығулар физиологиясы, спортты басқару, тренерлік әдеп, спорт педагогикасы, спорттық тамақтану, спорт социологиясы және т.б. пәндер бойынша машықтарын арттырады.
Сонымен бірге курс қатысушылары тәжірибелі мамандардың басшылығымен Венгрияның жетекші спорттық клубтарында практикалық сабақтарға қатысатын болады.