«Жеңіс» финалда! «Қайрат» жеңді, бірақ бұл жеткіліксіз
Бүгін футболдан Қазақстан лигасы кубогының жартылай финалы аясында «Қайрат» - «Жеңіс» кездесуі өтіп, елордалық команда жеңілсе де, финалға шықты, деп хабарлайды Prosports.kz.
Алматыда командалар қарымта матч өткізді. Алғашқы ойында елордалық клуб 2:0 есебімен жеңіске жеткен болатын.
Қарымта ойында «Қайрат» дәл сол есеппен басым болды. Георгий Зария кездесудің 32 және 53-минуттарында қанжығасын майлады.
Осылайша, екі матч қорытындысы бойынша есеп теңесіп, жеңімпаз пенальти сериясында анықталды. Алматылық команда шешуші серияда екі рет мүлт кетіп, «Жеңіс» Лига кубогының финалына жолдама алды.
Лига кубогы. 1/2 финал, қарымта матч
«Қайрат» (Алматы) - «Жеңіс» (Астана) 2:0
Голдар: Зария 32, Зария 53,
Төреші: Александр Затула (Өскемен)
25 қыркүйек. Алматы. «Орталық» стадион