Роналдудың Кароль кубогы матчына не үшін қатыспағаны белгілі болды

«Аль-Наср» капитаны Криштиану Роналду Король кубогының 1/16 финалындағы «Аль-Хазмға» қарсы ойынға не үшін қатыспағаны белгілі болды, деп хабарлайды Prosports.kz.

Al Jazirah басылымының хабарлауынша, 39 жастағы футболшы жаңа бапкер Стефано Пиолидің шешімімен ойынға қатыса алмады. Италиялық ұлттық чемпионат пен Азия чемпиондар лигасындағы маңызды матчтар алдында португалиялыққа демалыс беруді ұйғарды.

Кездесуде 2:1 есебімен «Аль-Наср» жеңіске жетті.

Роналду осы маусымда «Аль-Наср» сапында 6 матч өткізіп, 5 гол соғып, 2 нәтижелі пас берді.