Ресми: Мирослав BOOM Бичан мен Клемент Puppey Иванов NAVI сапына қосылды
Украиналық киберспорт клубы Natus Vincere Dota 2 құрамындағы өзгерістерді ресми түрде растады. Командаға Мирослав BOOM Бичан мен Клемент Puppey Иванов қосылды, деп хабарлайды Prosports.kz.
Олар Дмитрий Nefrit Тарасич пен Арман Malady Оразбаевты алмастырды. Жаңартылған тізіммен Natus Vincere ұжымы DreamLeague Season 24 іріктеу кезеңінде және басқа турнирлерде бақ сынайды.
Естеріңізге сала кетейік, биыл шілде айында BOOM Team Secret командасынан кетіп, еркін агент атанған болатын. BOOM Team Secret сапына 2022 жылы желтоқсанда қосылып, командада 2023 жылдың маусымына дейін ойнады. Былтыр қазан айында ол командаға оралған болатын.
Team Secret ұжымы Puppey-дің жетекшілігімен 2024 жылғы Dota 2-ден екі негізгі чемпионатқа – Сауд Арабиясындағы Riyadh Masters 2024 және Даниядағы The International 2024 турниріне жолдама ала алмады.
NAVI құрамы:
Артем Yuragi Голубев;
Сухбат sanctity- Отгондава;
Мирослав BOOM Бичан (стендин);
Бакыт Zayac Эмилжанов;
Клемент Puppey Иванов (стендин).