Футзалдан Қазақстан құрамасы Әлем чемпионатының плей-офф кезеңіне жолдама алды
Футзалдан ұлттық құрама екінші турдан кейін плей-оффқа шықты, деп хабарлайды Prosports.kz
Жарыс ережесі бойынша топтағы үздік екі команда плей-оффқа тікелей жолдама алады. Сондай-ақ тағы 4 құрама нәтижесіне қарай үшінші орын алған командалар арасынан іріктеледі.
4 ұпайы бар Қазақстан құрамасы Жаңа Зеландияға қарсы ойында қандай есеп тіркелсе де, 1/8 финалға айқын шығып тұр. Үшінші орыннан төмен сырғымайды. Себебі қазір үшінші орында тұрған үш командада ғана ұпай бар. Ал төртінші құрама 4 ұпай жинап үлгермейді.
1/8 финалға Қазақстаннан бөлек, Аргентина, Бразилия, Иран, Испания, Марокко, Парагвай, Португалия, Тайланд және Франция құрамалары шығып үлгерді.
Айта кетейік, Қазақстан мен Жаңа Зеландия арасындағы матч 21 қыркүйек күні 17:30-да басталады.