Жеңімпаздарға пәтер мен көлік сыйлады
V Дүниежүзілік көшпенділер ойындарының жамбы ату түрінен жеңімпаз атанған спортшыларға бағалы сыйлықтар табысталды, деп хабарлайды Prosports.kz
Бүгін жамбы атудың мажар, азия, түркі және жамбы стилі бойынша сайыстар аяқталды.
Бұл сайыстар қорытындысы бойынша ұлттық құрама спортшылары Батыр Бексауыт 1 алтын, 1 күміс, Ералхан Айкөз 1 алтын, 1 қола, Айтбек Сарыбай 1 күміс медаль еншіледі.
Осыған орай демеушілер тарапынан спортшылар мен бапкерге сыйлықтар табысталды.
Батыр Бексауытқа бір бөлмелі пәтер, Ералхан Айкөзге автомобиль және Айтбек Сарыбайға 5 миллион ақшалай сыйақы тарту етті. Сонымен қатар жамбы атудан ұлттық құрама бапкеріне темір тұлпар кілті табысталды.
Дереккөз: Prosports.kz
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или