Игита: Біз реалист болуымыз керек
Футзалдан Қазақстан құрамасының капитаны Лео Игита 2024 жылы Өзбекстанда өтетін әлем чемпионаты алдындағы жеке амбициясы туралы айтты, деп хабарлайды Prosports.kz Meta-ratings.kz сайтына сілтеме жасап.
— Әрине, чемпион болғым келеді (күлді). Бірақ біз реалист болуымыз керек. Мақсатымыз – 1/8 финалға шығу. Топтық кезеңді бірінші орында аяқтасақ, керемет болар еді, бірақ топта мықты қарсыластар бар. Қазірдің өзінде бірінші турда Испанияға қарсы кездесу өткіземіз. Әрбір ойын финал сияқты болады.
Мен Марокко мен Францияның ойынын көргім келеді. Бұл екі әлемдік футзал сенсациялары және олар әдемі ойнайды.
Менің ойымша, назар аударатын нақты ойыншы жоқ. Әр командада назар аударуға лайық ойыншылар көп. Менің ойымша, бұл әлем чемпионатының деңгейі алдыңғылардың ішіндегі ең жоғарысы», - деді Игита.
Естеріңізге сала кетейік, Қазақстан құрамасы бүгін Өзбекстанға аттанды. Топтық кезеңде Кака шәкірттері Испания, Ливия және Жаңа Зеландияға қарсы ойнайды.