Паралимпиада ойындарында тағы жанжал орын алды
Парижде өтіп жатқан Паралимпиада ойындарындағы триатлон жарысы Сенадағы судың сапасыздығына байланысты кейінге шегерілді, деп хабарлайды Prosports.kz.
Бұл туралы Халықаралық триатлон одағының (World Triathlon) баспасөз қызметі хабарлады.
Жарыс 1 қыркүйекте өтуі керек еді.
«Сынақтар соңғы екі күндегі жаңбырдан кейін су сапасының төмендегенін көрсетті. Нәтижесінде жарыс алаңындағы судың сапасы жүзуге жарамсыз. Барлық 11 паратриатлон жарысын 2 қыркүйекке белгілеу туралы шешім қабылданды. Бұл алдағы сынақтарға байланысты», - делінген хабарламада.