Шавкат Рахмонов UFC чемпионына қарсы жекпе-жекке келісімін берді
![Шавкат Рахмонов UFC чемпионына қарсы жекпе-жекке келісімін берді](https://prosports.kz/upload/news/content//202408/472_75afefefc3d087916df46983b382b37a.webp?v=28752858)
Қазақстандық файтер Шавкат Рахмонов (18-0) америкалық Белал Мухаммадқа (24-3) қарсы өтуі мүмкін жекпе-жек туралы пікір білдірді, деп хабарлайды Prosports.kz.
«Маған Белалмен жекпе-жек ұсынылды, мен оны қабылдадым, бірақ, өкінішке қарай, ол бұл күні титулды қорғауға дайын емес екенін айтты. Мен онымен күресуге дайынмын. Әрі қарай не болатынын көреміз, ол дайындалсын.
Белал әлі чемпион болмаған кезде белсенділік танытып, титулын басқаларға қарағанда жиі қорғаймын деп уәде берген. Әзірге ол сөзінде тұрған жоқ. Ол менімен жекпе-жекке келіскенде не болатынын көрейік», - деді Шавкат MMA Fighting арнасына берген сұхбатында.
UFC 307 турнирі 5 қазанда Солт-Лейк-Ситиде (Юта, АҚШ) өтеді. Турнирдің басты жекпе-жегінде жартылай ауыр салмақтағы чемпион бразилиялық Алекс Перейра (11-2) америкалық Халил Раунтримен (14-5) кездеседі.