«Бранн» — «Астана». Қай клуб футболшыларының бағасы қымбат?
22 тамыз күні УЕФА Конференция лигасының төртінші кезеңі аясында елордалық «Астана» Норвегияда жергілікті команда «Браннмен» матч өткізеді, деп хабарлайды Prosports.kz.
Футболшылардың әлемдік құнын бағалау бойынша ең танымал, әрі сенімді Transfermarkt порталы қарсылас клуб ойыншыларының бағасы 18,30 миллион еуро деп есептеп отыр. Ең қымбат фуболшысы жартылай орталық қорғаушы Феликс Хорн Мюре. Оның бағасы - 2,3 миллион еуро.
«Астана» футболшыларының жалпы бағасы қарсыластан екі есе арзан деуге болады. Порталдың мәліметінше 9,55 миллион еуро. Құрамда бір миллионға да бағаланатын футболшы жоқ. Ең қымбат ойыншы - беларуссиялық Макс Эбонг (800 мың еуро). Салыстыра кетсек, «Бранн» сапында нарықтағы бағасы миллон еуродан асатын 6 футболшы бар.
«Астана» биылғы еурокубок маусымын Конференция лигасының екінші іріктеу кезеңінен бастады. Қазақстандық клуб алдымен молдавиялық Милсамиді (жалпы есеп 2:1), одан кейін румыниялық Корвинулды (8:2) жеңді. Қарсыласқа келетін болсақ, норвегиялық ұжым да Конференция лигасын екінші кезеннен бастады: алдымен голландиялық «Гоу Эхед Иглз» командасын (2:1) жарыс жолынан шығарса, үшінші кезеңде шотландиялық «Сент-Мирренді» (4:2) қапы қалдырды.