«Барыс» жаңа бапкерлік құрамын таныстырды

«Барыс» хоккей клубы команданы алдағы ҚХЛ маусымына дайындайтын жаңа бапкерлер штабын таныстырды, деп хабарлайды Prosports.kz.

Клуб баспасөз қызметінің мәліметінше, бұл кезге дейін «Барыстың» бас бапкері болып Дэвид Немировски тағайындалған еді. Бүгінгі таңда оның штабына келесі мамандар енді: «Барыстың» жанкүйерлеріне әлдеқашан таныс Евгений Королев пен Талғат Жайлауов, сондай-ақ бұрын «Сiбiрде» Немировскимен бірге жұмыс істеген Макс Маркович және хоккейшілердің дене шынықтыруына жауапты Стив МакГичи.