Түркістан баскетболшылары ел чемпионы атанды
![Түркістан баскетболшылары ел чемпионы атанды](https://prosports.kz/upload/news/content//202405/472_1d1ba28d1ae72232af43d3ee25b81a11.webp?v=28667884)
Баскетболдан әйелдер арасындағы ұлттық лига үздіктері анықталды, деп хабарлайды Prosports.kz тілшісі Sport Plus Qazaqstan сайтына сілтеме жасап.
Қазақстан баскетбол федерациясының мәліметіне сәйкес, финалда «Тұран» және «Ақтөбе» командалары кездесті. Нәтижесінде 3:1 (70:62) есебімен түркістандықтар үздік шықты.
Astana Tigers-KazATU ұжымы қола жүлдегер атанды. Үшінші орын үшін матчта астаналықтар Алматының «Томирис» клубынан басым түсті.