Қазақстан құрамасы көшбасшыларының бірі қатарға қашан оралатыны белгілі болды

Дзюдодан Қазақстан құрамасының көшбасшыларының бірі Мағжан Шамшадин (60 келіге дейін) жарақатынан кейін жақын арада жарысқа кіріседі.

«Мағжан өткен маусымның соңында жарақатына байланысты қатардан шығып қалды. Біз үшін үлкен рөл атқарған бірнеше олимпиадалық турнирлерге қатыса алмады

Дегенмен, біз үшін Мағжанның денсаулығы маңыздырақ. Сондықтан, тәуекелге бармас үшін жарақатынан толық жазылғанын күттік.

Мағжан қазір өзін жақсы сезінеді. Түркиядағы оқу-жаттығу жиындарына қатысады. Мамыр айында Тәжікстанда өтетін Гран-при жарысында, одан кейін Астанада өтетін «Үлкен дулыға» турнирінде бақ сынауды жоспарлап отырмыз», - деді жаттықтырушы.