«Қайсар» сапына өзбекстандық және сенегалдық шабуылшылар қосылды
Қызылордалық «Қайсар» клубы бірқатар футболшылармен келісімшарт жасасты, деп хабарлайды Prosports.kz тілшісі ҚазАқпаратқа сілтеме жасап.
<span>Олардың қатарында шетелдік және қазақстандық ойыншылар бар.</span>
<span>Биыл команда құрамында өзбекстандық Шохназар Норбеков жасыл алаңға шығады.</span>
<span>Футболшылық мансабын сол елдің Бекабад қаласының «Металлург» клубында 2011 жылы бастаған 29 жастағы шабуылшы одан кейін өзбекстандық АГМК, «Сурхан», «Коканд-1912» және «Турон» намысын қорғады. Кейінгі жылдарда индонезиялық «Сада Сумут» жейдесін киді.</span>
<span>Өзбекстан біріншілігінде 200 кездесуде 27 мәрте қарсыластар қақпасын дәл көздеді.</span>
<span>Сондай-ақ, команда құрамына сенегалдық Ламин Тункара қосылды. Кейінгі жылдарда «EFC-Antalya» клубында ойнады</span>
<span>Қазақстандық шабуылшы Тоқтар Жаңғылышбай да «Қайсармен» келісім-шартқа қол қойды. 30 жастағы шабуылшы 2011 жылдан қазақстандық клубтарда ойын көрсетіп келеді. 2017-2018 жылдарда қызылордалық команда құрамында жасыл алаңға шықты.</span>
<span>Ал былтыр қызылордалық клубта ойнаған қорғаушылар Әділет Кеңесбек, Қуаныш Қалмұратов «Қайсармен» келісім-шарт мерзімін ұзартты.</span>