Күрес түрлерінен рейтингілік турнирлерге қазақстандық балуандар қалай іріктеледі
Күрес түрлерінен Азия чемпионаты мен алдағы рейтингілік турнирлерге қатысатын балуандар ел біріншілігінде анықталады. Ел чемпионаты 1-6 ақпан аралығында Астана қаласында болады, деп хабарлайды Prosports.kz тілшісі ҚазАқпаратқа сілтеме жасап.
Қазір күрес түрлерінен ел құрамасы еншісінде 2024 жылғы Париж Олимпиадасына 2 жолдама бар.
Оның біріне еркін күрестен Азамат Дәулетбеков ((86 келі) қол жеткізсе, тағы біреуі грек-рим күресінен Нұрсұлтан Тұрсыновтың (87 келі) еншісіне бұйырды.
Ендігі кезекте күрес түрлерінен қазақстандық балуандар екі іріктеу турниріне қатысады.
Оның алғашқысы — 19-21 сәуір күндерінде Қырғызстан астанасы Бішкек қаласында құрлықтық іріктеу турнирі болады. Оған еліміздің атынан бес балуан қатыса алады.
