Максим Самородов «Ақтөбемен» келісімшартын ұзартты
Максим Самородов «Ақтөбе» футбол клубымен жаңа келісімшарт жасасты, деп хабарлайды Prosports.kz тілшісі клуб баспасөз қызметіне сілтеме жасап.
<span>21 жастағы «Ақтөбе» түлегі 2019 жылы «ақ-қызылдар» сапында ҚПЛ-да дебютін өткізген.</span>
<span>2020 жылы командамен бірге Бірінші лига жеңімпазы атанып, 2021 жылы шеберлігін шыңдады. 2022 жылы чемпионаттың күміс жүлдесін иеленіп, «Қазақстанның үздік жас ойыншысы» номинациясында озық болды.</span>
<span>2023 жылы қола жеңіп, ұлттық құрама сапында жұлдызы жанды да, мемлекет басшысының «Ерен еңбегі үшін» медалімен марапатталды.</span>
<span>Өткен маусымда Қазақстан Премьер-лигасы мен Конференция лигасында жасындай жарқылдаған Самородов «Ақтөбенің» бүкіл турнирлердегі үздік сұрмергені (7 гол + 5 ассист) атанды.</span>
<span> <br /></span>
