Нұралы Әліптің командаласы «Зениттен» кетуді армандайды
<span>«Зенит» жартылай қорғаушысы Вендел клубтан оны қысқы трансфер кезеңінде бразилиялық «Фламенгоға» жіберуді сұраған, деп хабарлайды Prosports.kz тілшісі «СЭ» сайтына сілтеме жасап.</span>
<span>Radio Manchete журналисі Андре Луистің ақпараты бойынша, ойыншы агентіне: «Мен «Фламенгода» ойнағым келеді» деген сөздермен жүгінген. Орыстарды көндіріңізші. Мен трансферді дәл қазір қалаймын».</span>
<span>Бұған дейін «Балтиканың» бұрынғы бас директоры мен Сатурн халықаралық департаментінің бұрынғы басшысы Тимур Лепсая «СЭ» басылымына берген сұхбатында Венделдің «Зениттен» кетуді армандайтынын айтқан болатын.</span>
<span>Бразилиялық футболшы санкт-петербургтік командада 2020 жылдан бері өнер көрсетеді. Осы маусымда 26 жастағы ойыншы РПЛ-да 16 матч өткізіп, 4 гол соғып, 6 нәтижелі пас берді. Оның Санкт-Петербург клубымен келісімшарты 2027 жылдың жазына дейін есептелген.</span>
<span>18 турдан кейін «Зенит» 36 ұпаймен Ресей чемпионатының турнирлік кестесінде екінші орында келеді.</span>
<span>Естеріңізге сала кетейік, клуб сапында Қазақстан құрамасының қорғаушысы Нұралы Әліп өнер көрсетеді.</span>
<span>Фото: РИА Новости / Александр Гальперин</span>