Еркін күрес шеберлері жаттығу жиынын бастайды

Еркін күрестен Қазақстан командасы Алматыда жаттығу жиынын өткізеді, деп хабарлайды Olympic.kz.

Бұл туралы команданың бас бапкері Мадияр Құрамысов айтты.

"Жылдың соңғы жаттығу жиынын балуандар тауда өткізеді. 18 күн бойы тауда жаттығамыз. Жаңа жылда жаңа жарыстар күтіп тұр", - деді бас бапкер.

Айта кетелік, Қазақстан еркін күрес шеберлері биылғы әлем чемпионатында тарихи алтын медаль жеңіп алды.

92 келідегі Ризабек Айтмұхан әлем чемпионы атанған еді.