Никола Нанни: Қазақстан сияқты топ командаларға төтеп беру қиын
Сан-Марино құрамасының шабуылшысы Никола Нанни Prosports.kz тілшісіне берген эксклюзив сұхбатында Қазақстанға қарсы матч туралы пікірін айтты.
– Элиа, матч туралы ойыңызды айтсаңыз
<span>– Біз үшін өте қиын ойын болды. Қазақстан сияқты командаларға төтеп беру қиын. Дегенмен мен өз командамды мақтан тұтамын.</span>
– Сіздің ойыңызша, жеңіске жету үшін не жетіспеді?
– Ойынға 1:2 есебімен оралдық, бірақ есепті теңестіруге күшіміз жетпей қалды. Сонда да жақсы ойын көрсеттік деп ойлаймын.
– Белгіленген пенальтимен келісесіз бе?
– Білмеймін, өйткені мен бұл сәтті көрмедім.
– Жеңіліске қарамастан, гол соқтыңыздар. Сан-Марино футбол федерациясынан ақшалай бонустар болады ма?
<span>– Пікір білдіре алмаймын.</span>
– Келесі ойын Финляндияға қарсы болады. Матчтан не күтесіз?
<span>– Бізді қиын кездесу күтіп тұр деп айта аламын. Сан-Мариноға оралғаннан кейін біз мұқият талдап, дайындаламыз.</span>
– Менің білуімше, сіз қазір С Сериясындағы клубта өнер көрсетесіз. Қазақстаннан ұсыныстар түссе, оларды қарастыруға дайынсыз ба?
– Білесің бе, біз бұл өмірде барды бағалай білуіміз керек.
Фото: Jonathan Moscrop