«Барыс» канадалық шабуылшымен келісімшарт жасасты

«Барыс» хоккей клубы Энтони Камарамен келісімшарт жасасқанын ресми түрде жариялады, деп хабарлайды Prosports.kz клубтың баспасөз қызметіне сілтеме жасап.

Шабуылшымен жасалған біржақты келісімшарт осы маусымның соңына дейін (2024 жылдың 30 сәуіріне дейін) есептелген.

Канадалық шабуылшы карьерасындағы Солтүстік Америка кезеңінен бөлек, Дания, Германия, Швеция және Чехия чемпионаттарында өнер көрсетіп үлгерді. Камара ҚХЛ-да 2022 жылдан бері ойнап келеді. Энтони осы маусымды «Нефтехимик» сапында бастады, онда ол 25 матчта 9 (3+6) ұпай жинады.