Футзалдан Чемпиондар лигасы: «Пальма» командасы «Халадаштан» басым түсті
Қазақстанның және әлемнің спорт жаңалықтарына жазылыңызФутзалдан қазақстандық «Қайрат» клубы сынға түсіп жатқан Чемпиондар лигасының негізгі сатысы үшінші тобындағы тағы бір кездесудің нәтижесі белгілі болды, деп хабарлайды Kazinform.
Испанияның «Пальма» командасы Венгрияның «Халадашын» 3:1 есебімен жеңді.
Айта кетсек, «Қайрат» алғашқы кездесуінде «Дифферданж» клубын 4:2 есебімен сүріндірді.
Алғашқы турдан кейін «Пальма» мен «Қайрат» үш ұпаймен алғашқы екі орынды өзара бөлісіп тұр.
Енді алматылық клуб 27 қарашада Венгрияның «Халадаш» командасымен кездессе, «Пальма» пен «Дифферданж» шеберлік байқасады.
Әр топтан алғашқы үш орындағы командалар элиталы сатыға жолдама алады. Ол ойындар биылғы 28 қараша - 3 желтоқсан аралығында өтеді.
