Президент Жәнібек Әлімханұлын құттықтады
![Президент Жәнібек Әлімханұлын құттықтады](https://prosports.kz/upload/news/content//202310/201736_75321b1c48c4409116e4b4492c0a1cb0.png?v=28702222)
Қазақстан Президенті Қасым-Жомарт Тоқаев бүгін неміс боксшысы Винченцо Гуальтьериді жеңіп, WBO және IBF санаты бойынша орта салмақта екі белбеуді иеленген Жәнібек Әлімханұлын құттықтады, деп хабарлайды Prosports.kz сайты Kazinform-ға сілтеме жасап.
«Жәнібек Әлімханұлын WBO және IBF тұжырымдарынан әлем чемпионы атағы үшін өткен жекпе-жектегі жарқын жеңісімен құттықтаймын. Жәнібек қазақ бокс мектебінің жоғары деңгейі мен мықтылығын әлемге тағы да паш етті. Бұл жеңіс бокспен айналысатын жастарды биік белестерді бағындыруға ынталандырады. Сізге зор денсаулық, бақ-береке тілеймін. Жеңістен жеңіске жете беріңіз!» деп жазды Мемлекет басшысы X (бұрынғы Twitter) парақшасында.
Қоса кетейік, Жәнібек қарсыласын алтыншы раундта нокаутқа жіберген еді.