Азия ойындарының жүлдегері ММА-дағы келесі жекпе-жегінде титулға таласады
Инсайдерлік ақпарат бойынша, ушу-саньдадан Ханчжоудағы Азия ойындарының қола жүлдегері Аян Тұрсын OCTAGON лигасындағы келесі кездесуінде чемпиондық белбеуге таласады, деп хабарлайды Prosports.kz.
Кәсіпқой деңгейде жеңіліп көрмеген қазақстандық файтердің қарсыласы әлі белгісіз, титулды жекпе-жек биыл қарашада өтеді.
Айта кетейік, ММА бойынша Аян Тұрсынның рекорды 4-0. Спортшы барлық жекпе-жегін OCTAGON лигасында өткізді.
Азия ойындарының жартылай финалында жеңілгеннен кейін Тұрсын көз жасын тыя алмады, көптеген отандасымыз оған қолдау білдірді.
21 қазанда Алматыда OCTAGON 51 турнирі өтеді, оның негізгі жекпе-жегінде өзбекстандық Мухаммаджон Курбанов (10-4) жартылай орта салмақтағы чемпиондық атағын қорғайды, қарсыласы - тәжікстандық Фарход Давлятов (7-2).
Негізгі жекпе-жекте ММА-дан әйелдер арасындағы Орта Азия чемпионы қазақстандық Анастасия Дюжикова (8-2) Ресей өкілі Александра Савичевамен (4-1) кездеседі.