Александр Седнев: Егер біз лайықты болсақ, міндетті түрде мақсатымызға жетеміз!
«Ордабасы» бас бапкері Александр Седнев OLIMPBET-Қазақстан чемпионаты 18-туры аясында өткен «Мақтааралға» қарсы матч жайлы пікірін білдірді.
<span>– Сәтсіз серияны үзгенімізге қуаныштымын. Өте қиын жеңіс болғанын өздеріңіз де көрдіңіздер. Қарсыласымыз қарымды, қорғаныста мығым. Бірақ саңылау тауып, мүмкіндігімізді қолдана алдық.</span>
<span>Алда ең ауыр матчтар қалды. Соңғы ойындарда эмоционалды тұрғыда көп күш жұмсадық. Дегенмен бәріміз армандаған, алға қойған мақсатымыздың қандай екенін түсінеміз. Бұл өз кезегінде қосымша күш-қуат береді деп үміттенемін.</span> <span>Қазір командада кадрлық сұрақтар бар. Десе де біз футболшыларымызға күмәнмен қарамаймыз. Әсіресе осындай жанкештілігі үшін. </span>
<span>Жалғыз проблемамыз гол соға алмай жатқанымыз. Ал бұл өз кезегінде ойында қосымша уайым береді. Осы жеңістен кейін өзімізге келіп, ары қарай да жалғастырамыз. </span>
<span>Егер біз лайықты болсақ, міндетті түрде мақсатымызға жетеміз!</span>