Қазақстандық балуан Белградтағы әлем чемпионатында қола медаль алды

Қазақстандық еркін күрес балуаны Азамат Дәулетбеков (86 келіге дейін) Белградта өтіп жатқан әлем чемпионатында қола жүлде алды, деп хабарлайды Prosports.kz.

Кіші финалда Азамат Дәулетбеков Бахрейндік Магомед Шариповты 4:3 есебімен ұтты. Осылайша ол 2024 жылы Парижде өтетін Олимпиада ойындарына жолдама жеңіп алды.

Айта кетейік, Дәулетбеков жартылай финалда Токио-2020 Олимпиадасының чемпионы және екі дүркін әлем чемпионы (2018, 2022) Америкалық Дэвид Тэйлордан жеңіліп қалған.