Қазақстандық теннисші Эквадордағы турнирдің ширек финалына шықты

Қазақстандық теннисші Бейбіт Жұқаев Салинас қаласында (Эквадор) өтіп жатқан турнирдің ширек финалына шықты, деп хабарлайды Prosports.kz.

Екінші айналымдағы кездесуде қазақстандық австралиялық Филипп Секуличті 7:6, 6:3 есебімен ұтты.

Айта кетейік, кездесу 1 сағат 42 минутқа созылды.

Келесі айналымда Жұқаев француз Джованни Мпеши-Перрикардпен ойнайды.