«Елорда кубогы»: Астанадағы ірі турнирде топ жарғандар қанша сыйақы алады
<span>Астанада бокстан ерлер мен әйелдер арасында бокстан ІІ Халықаралық «Елорда кубогы» турнирі басталады, деп хабарлайды Prosports.kz тілшісі Nur.kz сайтына сілтеме жасап.</span>
<span>Турнир 27 маусым мен 2 шілде аралығында Астанадағы Beeline Arena спорт кешенінде өтеді. </span>
<span>Дүбірлі додада 12 елден 200-ден астам спортшы бақ сынайды. Олардың ішінде Өзбекстан, Қытай, Үндістан, Моңғолия және басқа елдердің өкілдері бар.</span>
<span> Ерлер 13 салмақ дәрежесінде (46-48 кг, 51 кг, 54 кг, 57 кг, 60 кг, 63,5 кг, 67 кг, 71 кг, 75 кг, 80 кг, 86 кг, 92 кг, +92 кг), ал әйелдер 12 салмақ дәрежесінде (45-48 кг, 50 кг, 52 кг, 54 кг, 57 кг, 60 кг, 63 кг, 66 кг, 70 кг, 75 кг, 81 кг, +81 кг) өз бақтарын сынайтын болады. </span>
<span>Жүлде қоры: <br />- Бірінші орын -700 USD <br />- Екінші орын - 400 USD <br />- Үшінші орын – 200 USD (әрқайсысы).</span>
<span> Жарыстың жеңімпаздары мен жүлдегерлері тиісті дәрежедегі медальдармен және дипломдармен марапатталады. </span>
<span>Халықаралық турнир IBA жарыстарының техникалық ережелеріне сәйкес өтеді. Жекпе-жек 3 минутқа созылатын үш раундтан тұрады, раундтар арасында бір минуттық үзіліс болады. 10 ұпайлық IBA ұпай жүйесі қолданылады.</span>
<span> Қазақстан құрамасы сапында Олимпиада ойындарының жеңімпаздары, әлем, Азия және басқа да халықаралық жарыстардың чемпиондары мен жүлдегерлері қатысады. Жалпы, турнир алты күнге созылады.</span>
