Милич Чурчич: Кез келген қарсыласпен ойнауға дайын болуымыз қажет
Қостанайлық «Тобылдың» бас бапкері Милич Чурчич Prosports.kz тілшісіне берген сұхбатында УЕФА Конференция лигасы іріктеу кезеңінің жеребесі жайында ойын айтты.
- Жеребе нәтижесі жайында әсеріңізді айтсаңыз.
- Меніңше, «Хонка» - бірінші кезең үшін мықты қарсылас. Қарсыласты сараптап, бірінші ойынға дайындықты бастап кеттік.
- «Хонка» - жас команда. «Тобылдың» тәжірибе жағынан басымдығы болады деп ойлайсыз ба?
- «Хонка» - жастық пен тәжірибе қосындысы. Командада 12 легионер ойнайды, бәрі сапалы. Басымдық біздің командада болады деп үміттенемін.
- «Тобылдың» жеребедегі 5 ықтимал қарсыластары ішінде бапкерлік штаб кіммен кездескісі келді?
- Қарсылас командаға қатысты әр бапкердің өз қалауы болды. Меніңше, оңайырақ нұсқалар болды, бірақ кез келген қарсыласпен ойнауға дайын болуымыз қажет. Екінші кезеңге өтеміз деп ойлаймыз!