Қазақстандық теннисші Тунистегі турнирдің басында жеңілді

Қазақстандық теннисші Гозал Айнитдинова (WTA рейтингінде 469-орын) Ла Марсадағы (Тунис) Челленджерде жекелей сында сәтсіз өнер көрсетті, деп хабарлайды Prosports.kz.

1/16 финалда Айнитдинова румыниялық Джорджия Крачунмен (610-орын) кездесіп, үш сетте жеңілді - 5:7, 7:5, 3:6. Осылайша, қазақстандық жеке сында өнерін аяқтады, бірақ жұптық сайыста өнер көрсетеді: үнді теннисшісі Сахаджа Ямалапаллимен дуэтте ол Диана Мария Михаил (Румыния)/Приша Виас (АҚШ) жұбымен кездеседі.

Ла-Марсадағы турнирдің жүлде қоры 40 000 долларды құрайды.